Di çalakiya nobetê de Serokê Baroya Stenbolê Îbrahîm Kaboglu, hevsera hevşaredarê Bajarê Mezin a Stenbolê Dîlek Îmamoglu, keça Şeradarê Esenyurtê Ahmet Ozer ê ku qeyûm tayînê cihê wî hat kirin Seraf Ozer û gelek parêzer amade bûn.
Di çalakiyê de pankarta “Em ji bo parastinê li nobetê ne’ hat vekirin û bênavber dirûşmeyên “Parastin nayê girtin”, “Maf, Hiqûq, edalet” û “Dest nede parêzerên me” hatin berzkirin.
Parêzer Tuba Torun, destnîşan kir ku li welatekî ku parêzer lê bên girtin, tê wateya ku hiqûq hatiye binpêkirin û got ku ji ber dozên siyasî gelek hempîşeyên wê di girtîgehê de tên ragirtin.
Tuba Torun, diyar kir ku divê parastin ji aliyê desthilatdaran ve weke gefekê neyê dîtin û nerazîbûna xwe raber kir.
Serokê Baroyê Kaboglu jî got, “Parastin lingê wekhev ê dadgeriyê ye û pozîsyona wê îmtiyaz e.”
Parêzerê girtî Mehmet Pehlîvan di peyama xwe ya ji bo çalakiyê de diyar kir ku ew bawer dikin ku zêxtên li ser pîşeyê wê bi saya hevgirtin bi dawî bibe û got, “Nobeta parastinê wê ji bo bi mîlyonan kesên ku li edaletê digerin bibe hêvî.”
