Berdevka Komîserê Bilind ê Mafên Mirovan ê NY’ê Ravina Shamdasani ya li ser navê Komîserê Bilind ê Mafên Mirovan ê NY’ê Volker Turk daxuyanî da û got, “Divê dersînorkirina bi darê zorê yê penaberên Efxan ên di bin xetereya zilm, girtin an êşkenceyê de ne, were rawestandin.”
Shamdasani diyar kir ku piştî Talîban di sala 2021’an de hate desthilatdariya Efxanistanê rewşa mafên mirovan û mirovî “gelekî xirab e” û bi bîr xist ku ji sedî 70 xelkê welêt di nava xîzaniyê de dijîn.
Neteweyên Yekbûyî berê rexne li plana dersînorkirinê ya Elmanyayê kiribû. Her dawî dersînorkirina 81 kesan weke nîşaneya hişkbûna polîtîkyên koçberiyê ya hikûmeta Şansolye Friedrich Merz tê dîtin.
Shamdasani bal kişand ser rêgeza “paşde neşandinê” ku kesên ceza girtine jî di nav de ye û got, “Li gorî hiqûqa navneteweyî, divê kesên di bin xetereya zilmê de ye paşde neyên şandin.”
Hate destnîşankirin ku bi taybetî rojnamevan, karmendên berê û yên ku bi hikûmeta berê ya Efxanistanê re dixebitîn ger bên dersînorkirin, wê bi gefên cidî re rû bi rû bimînin.
Li gorî daneyên NY’ê di heft mehên dawî de zêdetirî 1.9 milyon Efxanî neçar mane ku ji Îran û Pakistanê vegerin welatê xwe û nêzîkî 500 hezar ji wan ji 13’ê Hezarînê ve bi zorê hatine dersînorkirin.
