Serokê DYA’yê Donald Trump di hevpeyvînekê de ligel New York Post’ê destnîşan kir ku ew dibetiya hebûna leşkerên Amerîkî li Îranê red nake. Trump got: “Wekî ku her serok dibêje ‘dê leşker li qadê nebin’, ez jî di mijara ‘hebûna leşkeran de’ dudil nabim. Ez dibêjim ‘dibe ku hewce neke’ an jî ‘heger pêwîst be’.”
Trump her wisa di daxuyaniya xwe ya ji bo Washington Post’ê de jî helwesteke bi vî rengî nîşan da û anî ziman ku ew hemû vebijêrkan li ser maseyê dihêlin.
Daxuyaniya Trump piştî gotinên Wezîrê Parastinê yê DYA’yê Pete Hegseth hat ku berê gotibû planên wan ên şandina personelên leşkerî bo Îranê nîn in. Hegseth di civîneke çapemeniyê de li Pentagonê gotibû, “Em ê nekevin nav hûrguliyên ku em ê çi bikin an çi nekin,” û bi vê yekê çarçoveyeke zelal derbarê helwesta dawî ya rêveberiyê de xêz nekiribû.
