Berdevkê Sekreterê Giştî yê NY’ê Stephane Dujarric di daxuyaniyeke çapemeniyê de got: ‘’Sekreterê Giştî biryara PKK’ê ya fesxkirinê û bêçekbûnê bi kêfxweşî pêşwazî dike. Pêkhatina vê biryarê tê wateya yek ji pêngaveke girîng a çareserkirina bi rêyên aşitiyane ya şer û pevçûnên ku ew demeke dirêj e berdewam dikin.’’
Her wiha Stephane Dujarric anî ziman ku li gorî çapemeniya Tirk ku dibêje wê çekberdan di bin kontrola NY’ê de pêk were lê belê li gorî danûstandinên li gel Ofîsa NY’ê ya li Iraqê tişteke bi vî rengî tune ye.
Stephane Dujarric got: ‘’NY amade ye ku têkildarî aşitiyê alikariya her cure tevgerê bike û pêvajoyê hêsantir bike lê belê ger beşdarbûna me ji bo rewşê baş nebe jî wê demê tu wateya wê yekê nîne ku em xwe li ser ferz bikin.’’
Stephane Dujarric piştre pirsên rojnamevanan bersivandin û da zanîn Sekreterê Giştî Antonio Guterres ji roja Duşemê ve ye li gel aliyên Kurd û Tirkan rasterast neketiyê têkiliyê.
Dujarric herî dawiyê destnîşan kir ku divê pêvajoya aşitiyê aktorên neteweyî û herêmî jî di nav de ji aliyê hemû aliyan ve bê qebûlkirin û got: ‘’Me biryara kongreyê kêfxweşî pêşwazî kir. Em ê lê binêrin bê ka em û civaka navneteweyî dikarin çawa alikariya pêvojoyê bikin.’’
