Ozel, çareserî bi baweriya gel a bi aşitî û biratiyê re pêkan ne

Li navçeya Hacibektaş a Nevşehîrê, 62. Bîranîna Neteweyî û 36. Bîranîna Navneteweyî ya Haci Bektaş Velî û Çalakiyên Çand û Hunerê îro dest pê kir. Di çalakiyê de Hevserokê Giştî yê Partiya DEM’ê Tuncer Bakirhan, Serokê Giştî yê CHP’ê Ozgûl Ozel û gelek siyasetmedar beşdar bûn.
Ozgûl Ozel, di merasîmê de derbarê pêşketinên rojane de nirxandin kir û diyar kir ku pirsgirêkên Elewiyan ên berhevkirî û talokirî hê jî li benda çareseriyê ne. Wî got: “Îro pirsgirêkên Elewiyan ên ku li benda çareseriyê ne, , talokirî, carcaran soz lê hatine dayîn û paşê jibîrkirî, carcaran jî ji bo siyasete bûne amûr, hê di rojevê de ne.”
Ozel, behsa xebatên komîsyonê yên li Meclîsê jî kir û got, ev pêvajo ne ya partiyek siyasî, lê ya îradeya gel e. Wî wiha got: “Meclîs ne ya partiyek siyasî, lê ya gel e. Ger çareseriyek bê, ev ne bi lutfê partiyek siyasî, lê bi baweriya gel a bi aşitî û biratiyê re tê.”
Serokê Giştî yê CHP’ê anî ziman ku pakêta demokratîkbûnê ya 29 xalî ku wan hefteya borî pêşkêşî komîsyonê kirine, hem ji bo çareseriya pirsgirêka Kurd hem jî ji bo bersivdana pirsgirêkên berhevkirî yên Elewiyan pêşniyaran dihewîne.
Ozel, axaftina xwe wiha domand: “Ev pêşniyara me ye. Lê ji bilî vê, divê komîsyon guh bide dengê komele, weqf, rêxistinên civaka sivîl û hemû beşên civakê, tevkariyên wan bigire û pêvajoyê bi nêzîkatiyek ku aşitî, wekhevî û biratiyê esas digire û bimeşîne. Em ji bo vê yekê her hewldanê dene.”