7 partiyên Kurd ku mohra xwe danîn binê belgeya helwestê ya hevpar a têkildarî protestoyên li Îranê, ji ber tevlîbûna xurt a li banga greva giştî spasiya gel kirin.
Di daxuyaniya hevpar de hate ragihandin ku gel bersiveke xurt da banga greva giştî û hate gotin, “Bi grevan û xwepêşandanên şermezarkirinê yên dewam dikin re peyameke xurt a siyasî ji hêzên zordar û rejîma desthilatdar re hate dayin.”
Di daxuyaniyê de hate destnîşankirin ku tevgera “Jin, Jiyan, Azadî” dewam dike û reh berdaye nava kûrahiya civakê.
Partiyên siyasî yên Rojhilat diyar kirin ku gelê Kurdistanê li gel polîtîkayên tepisandin, gef û zextê biryardariya xwe dewam dike û gel û partiyên siyasî di nava yekîtî û piştevaniyê de têkoşîna azadiyê derbasî qonaxeke nû kirine.
