Kampanya ‘Azadî ji Rêber Apo re, çareserî ji pirsgirêka Kurd re’ ku 10’ê Cotmeha 2023’an li bajarê Strasbourg ê Fransayê destpê kir, li Bakur û Rojhilatê Sûriyeyê jî bi piştgiriyeke xurt hate pêşwazîkirin. Gelên Kurd, Ereb, Suryan, Ermen û gelên din ên li Bakur û Rojhilatê Sûriyeyê li hev kom bûn û pêngav veguherandin tevgereke aştiyê. Agahiyên li ser çend ji çalakiyên sereke yên kampanyayê yên li Bakur û Rojhilatê Sûriyeyê bi vî rengî ne.
14’Ê COTMEHA 2023
Înîsiyatîfa Gel a Bakur û Rojhilatê Sûriyeyê ragihand ku ew tevlî kampanya azadiyê ya ji bo Rêber Apo bûne ku li tevahiya cîhanê hate destpêkirin.
16’Ê COTMEHA 2023
27 saziyên civakî yên sivîl ên ser bi TEV-DEM’ê ve piştgirî da pêngavê. Kongra Star jî ragihand ku ew ê tevlî kampanyayê bibe. Şêniyên taxên Şêxmeqsûd û EŞrefiyê têkildarî kampanya ji bo azadiya Rêber Apo daxuyanî dan û beşdarî pêngavê bûn.
17’Ê COTMEHA 2023
Partiyên siyasî û saziyên civakî yên sivîl ên li Efrîn û Şehbayê li gel rûspiyên civakê beşdarî kampanyayê bûn. Şêniyên li başûrê Kantona Hesekê bi meşekê, Yekîtiya Jinên Êzidî ya Rojava jî bi daxuyaniyekê ragihandin ku ew piştgiriyê didin kampanyayê.
Înîsiyatîfa Gel a Bakur û Rojhilatê Sûriyeyê di çarçoveya kampanyayê de li Qamişloyê çalakiya kon da destpêkirin.
Înîsiyatîfa Sûriyeyê ya Azadî ji Rêber Abdullah Ocalan re û Înîsiyatîfa Parêzeran a Sûriyeyê ya Parastina Rêber Abdullah Ocalan di çarçoveya kampanyayê de panel lidar xistin.
18’Ê COTMEHA 2023
Yekîtiya Jinên Ciwan li Reqayê komxebatek di çarçoveya pêngavê de lidar xist.
Gelê Minbicê ji bo piştgiriyê bi kampanyayê re bike, konê çalakiyê veda.
19’Ê COTMEHA 2023
Kongra Star bi navê rêxistinên jinan ên li kantonên Efrîn û Şehbayê bi daxuyaniyekê piştgirî da kampanyayê.
Tevgera Ciwanên Şoreşger a Sûriyeyê û Yekîtiya Jinên Ciwan ji bo azadiya Rêber Apo meşek lidar xistin.
21’Ê COTMEHA 2023
Xelkê Hesekê di çarçoveya kampanyayê de meşeke girseyî lidar xist.
22’Ê COTMEHA 2023
Navenda Çand û Hunerê ya Til Temirê li gel Tevgera Hîlala Zêrîn çalakî lidar xist. Meclîsên Minbic û Tebqayê yên Civaka Jinan a Zenûbiyayê bi daxuyaniyekê ragihandin ku wê têkoşînê mezin bikin.
23’Ê COTMEHA 2023
Tevgera Hîlala Zêrîn, Desteya Çand û Hunerê, Yekîtiya Hunermendan, Rewşenbîr, Komîteya Wêjevanan û Tevgera Çand û Hunerê ya Mezopotamyayê bi daxuyaniyeke hevpar diyar kirin ku ew piştgiriyê didin kampanyayê.
Li Dêrazorê Civaka Jinan a Zenûbiyayê li hemberî tecrîda giran daxuyanî da û banga tevlîbûneke xurt a li kampanyayê kir.
24’Ê COTMEHA 2023
Li Kantona Kobanê bi sedan kes li navenda bajêr li Qada Şehîd Egîd li hev kom bûn û piştgiriya xwe ya ji bo kampanyayê ragihandin.
Hêzên Parastina Civakî yên Hesekê jî diyar kirin ku ew tevlî pêngavê bûne.
25’Ê COTMEHA 2023
Bi daxwaza azadiya fîzîkî ya Rêber Apo li Eyn Îsayê bi beşdariya gelek kesan meşek hate lidarxistin.
26’Ê COTMEHA 2023
Meclîsa Malbatên Şehîdan a Kantona Firatê biryardariya xwe ya ji bo azadiya fîzîkî ya Rêber Apo anî ziman.
Xelkê Sirînê di çarçoveya pêngavê de meşek lidar xist.
29’Ê COTMEHA 2023
Bi pêşengiya xwendekar û ciwanan xelkê herêma Kantona Şehbayê meşek lidar xist û daxwaza azadiya Rêber Apo kir.
30’Ê COTMEHA 2023
Meclîsa Malbatên Şehîdan di çarçoveya pêngavê de li kantonên Tebqa, Minbic û Efrîn-Şehbayê daxuyanî da û ji bo azadiya fîzîkî ya Rêber Apo banga mezinkirina têkoşînê kir.
31’Ê COTMEHA 2023
Înîsiyatîfa Azadî ji Rêber Abdullah Ocalan re ya Sûriyeyê li Helebê dest bi çalakiya kon a ji bo 3 rojan kir.
2’Ê MIJDARA 2023
Meclîsa Malbatên Şehîdan a Reqayê kon veda.
7’Ê COTMEHA 2023
Tevgera Ciwanên Şoreşger û Yekîtiya Jinên Ciwan smeînerek li ser dagirkerî, êrîşên îmha û înkarê lidar xist.
Tevgera Ciwanên Şoreşger a Hesekê li navçeya Til Temirê di çarçoveya pêngavê de 2 civînên cuda lidar xist.
Yekîtiya Jinan a Tebqayê ji bo azadiya Rêber Apo meşek pêk anî.
10’Ê MIJDARA 2023
Bi dirûşma ‘Em ê bi ruhê neteweya demokratîk Bakur û Rojhilatê Sûriyeyê biparêzin, azadiya fîzîkî ya Rêber Abdullah Ocalan pêk bînin’ Festîvala Çand û Hunerê hate lidarxistin. Di festîvalê de hate ragihandin ku wê paradîgmaya Rêber Apo bigihînin nifşên nû.
Di çarçoveya pêngava azadiyê ya ji bo Rêber Abdullah Ocalan de li Hesekê çalakiya kon a ji bo 7 rojan hate destpêkirin.
12’Ê MIJDARA 2023
Li Reqayê dayikên aştiyê ji bo azadiya fîzîkî ya Rêber Apo daxuyaniyek da.
13’Ê MIJDARA 2023
Koordînasyona Efrîn û Şehbayê ya Kongra Star di çarçoveya hewldana ‘Azadî ji Abdullah Ocalan re, çareserî ji pirsgirêka Kurd re’ panelek lidar xist.
15’Ê MIJDARA 2023
Li rojhilatê Dêrazorê meşek hate lidarxistin û endamên saziyên civakî yên sivîl, Meclîsa Jinan a Zenûbiya û rûspiyên herêmê tevlî bûn.
Bi pêşengiya Înîsiyatîfa Sûriyeyê ya ji bo Azadiya Rêber Abdullah Ocalan li Dêrazorê panelek hate lidarxistin.
16’Ê MIJDARA 2023
Bi pêşengiya TEV-DEM a Efrîn û Şehbayê li dijî tecrîda girankirî meşek hate lidarxistin.
20’ê MIJDARA 2023
Xelkê li herêma bejahî ya li rojavayê Dêrazorê meşeke girseyî di çarçoveya pêngavê de lidar xist.
21’Ê MIJDARA 2023
Tevgera Ciwanên Şoreşger a Sûriyeyê û Yekîtiya Jinên Ciwan a Dêrikê ji bo danasîna fikrên Rêber Apo pêşangeheke pirtûkan pêşkêş kirin.
29’Ê MIJDARA 2023
Ciwanên Bakur û Rojhilatê Sûriyeyê bi armanca tevlîbûna li çalakiyên salvegera 45’an a damezrandina PKK’ê û xurtkirinan kampanyayê 3 rojan meşiyan.
30’Ê MIJDARA 2023
Tevgera Hîlala Zêrîn û Navenda Çand û Hunerê ya Baqî Xido konserek lidar xistin.
Li Rimêlanê bi heman armancê bi beşdariya 400 şagirtan çalakiyek hate lidarxistin û daxwaza azadiya Rêber Apo hate kirin.
3’Ê KANÛNA 2023
Înîsiyatîfa Parêzeran a Sûriyeyê ya ji bo Parastina Rêber Abdullah Ocalan li ser rewşa Rêber Apo û polîtîkayên dewleta Tirk, her wiha ji bo bidawîkirina tecrîdê û pêkanîna azadiya fîzîkî ya Rêber Apo bang li Rêxistina Efûyê ya Navneteweyî kir.
9’Ê KANÛNA 2023
Civaka Jinan a Zenûbiyayê ji pirtûkên Rêber Apo pêşangehek ava kir.
10’Ê KANÛNA 2023
Li Reqayê bi beşdariya endamên Yekîtiya Doktorên Sûriyeyê yên Bakur û Rojhilatê Sûriyeyê û endamên Yekîtiya Parêzerên Bakur û Rojhilatê Sûriyeyê konferansek hate lidarxistin.
13’Ê KANÛNA 2023
Li Qamişloyê di çarçoveya ‘Rojên Pirtûkên Ocalan a Navneteweyî’ çalakî hatin lidarxistin, pirtûkên Rêber Apo hatin xwendin û piştgirî ji kampanyayê re hate dayin.
18’Ê KANÛNA 2023
Navenda Çand û Hunerê ya navçeya Til Temirê û Koordînasyona Yekîtiya Rewşenbîran a Kantona Cizîrê çalakiyeke hunerê lidar xistin.
20’Ê KANÛNA 2023
Platforma Jinan a Ekolojiyê ya Rojava beşek ji pirtûka ‘Notên Hevdîtinê yên Îmraliyê’ xwend.
21’Ê KANÛNA 2023
Têkildarî nêrînên Rêber Apo yên li ser felsefe, wêje û hunerê semînerek hate lidarxistin û gelek kesayet, rewşenbîr û xwendekar beşdar bûn.
23’Ê KANÛNA 2023
Meclîsa Jinan a PYD’ê bi armanca piştgiriya bi pêngavê re panelek lidar xist.
25’Ê KANÛNA 2023
Kongra Star û Meclîsa Jinan a PYD’ê ji bo azadiya fîzîkî ya Rêber Apo dest bi çalakiya 3 rojan kirin.
31’Ê KANÛNA 2023
Ji bo azadiya fîzîkî ya Rêber Apo hezar û 25 parêzerên Sûriyeyî serî li Rêxistina Efûyê ya Navneteweyî dan.
3’Ê ÇILEYA 2024
Bi pêşengiya Înîsiyatîfa Sûriyeyê ya ji bo Azadiya Rêber Abdullah Ocalan û bi hevkariya Înîsiyatîfa Parêzeran a ji bo Parastina Rêber Abdullah Ocalan, Yekîtiya Tenduristiyê ya Bakur û Rojhilatê Sûriyeyê name ji gelek saziyên mafên mirovan ên li cîhanê re hate şandin.
7’Ê ÇILEYA 2024
Meclîsa Malbatên Şehîdan a Kantona Minbicê civîneke girseyî lidar xist.
11’Ê ÇILEYA 2024
Tevgera Ciwanên Şoreşger a Sûriyeyê û Yekîtiya Jinên Ciwan li navçeya Şêran a Kantona Firatê meşek lidar xistin.
15’Ê ÇILEYA 2024
Meclîsa Ol û Baweriyan a Mezopotamyayê û gelek saziyên baweriyan ên li Bakur û Rojhilatê Sûriyeyê diyar ikrin ku ew tevlî pêngavê bûne.
20’Ê ÇILEYA 2024
Li Til Temir û Zirganê bi sedna kes daketin qadan û ji bo azadiya Rêber Apo bang kirin.
22’Ê ÇILEYA 2024
Înîsiyatîfên li Bakur û Rojhilatê Sûriyeyê yên ji bo Azadiya Rêber Apo, ji serokê nû yê Konseya Mafên Mİrovan a Neteweyên Yekbûyî Omar Zniber re name şandin û jê xwestin, li hemberî tecrîdê bikeve nava liv û tevgerê.
23’Ê ÇILEYA 2024
Li Kantona Minbicê bi sernavê ‘Çareseriya dozên li Rojhilata navîn li Îmraliyê ye’ panelek hate lidarxistin.
30’Ê ÇILEYA 2024
Tevgera Hîlala Zêrîn a Kantona Reqayê bi dirûşma ‘Helbest û wêje di pêlên Îmraliyê de digihêjin hev’ li ser jiyana Rêber Apo kombûneke wêjeyî lidar xist.
9’Ê ÇILEYA 2024
Bi pêşengiya Înîsiyatîfa Gel a ji bo Azadiya Rêber Abdullah Ocalan a li Bakur û Rojhilatê Sûriyeyê ji bo azadiya fîzîkî ya Rêber Apo kampanya îmzeyan hate destpêkirin.
10’Ê SIBATA 2024
Li Reqayê Konferansa Azadiya Fîzîkî ya Rêber Abdullah Ocalan hate lidarxistin.
13’Ê SIBATA 2024
Li Reqayê bi dirûşma ‘Bi têkoşîna gelan wê dîwarên Îmraliyê bêne hilweşandin, wê bibe bihara gelan’ konferansa ji bo azadiya Rêber Apo hate lidarxistin.
Ciwanên li Kantona Firatê di çarçoveya pêngavê de meşeke dirêj a ji bo 3 rojan dan destpêkirin.
14’Ê SIBATA 2024
Jinên li Kantona Cizîrê pirtûkên Rêber Abdullah Ocalan xwendin.
15’Ê SIBATA 2024
Li 4 kantonên Bakur û Rojhilatê Sûriyeyê ji bo şermezarkirina Komploya Navneteweyî li 7 navendan meş hatin lidarxistin.
1’Ê NÎSANA 2024
Li Reqayê bi Pirtûkxaneya Gerok re 200 pirtûkên Rêber Apo hatin belavkirin.
2’Ê NÎSANA 2024
Li Qamişloyê standek ji pirtûkên Rêber Apo hate vekirin.
21’Ê NÎSANA 2024
Kongreya Îslama Demokratîk li Qamişloyê panelek ji bo azadiya Rêber Apo û çareseriya pirsgirêka Kurd lidar xist.
8’Ê GULANA 2024
Bi beşdariya bi sedan xwendekarî û malbatên şehîdan, her wiha bi tevlîbûna endamên Kongra Star konferansek hate lidarxistin.
13’Ê GULANA 2024
Înîsiyatîfa Sûriyeyê ya ji bo Azadiya Rêber Apo ji 8 saziyên navneteweyî re ‘peyama vekirî’ şand û ji bo azadiya Rêber Apo û çareseriya pirsgirêka Kurd bang li wan kir ku zextê li dewleta Tirk bikin.
19’Ê HEZÎRANA 2024
Yekîtiya Jinên Ciwan a Tebqayê pêşangehek vekir û pirtûk û wêneyên Rêber Apo nîşan da.
21’Ê HEZÎRANA 2024
Li Qamişloyê çalakiyeke muzîkê hate lidarxistin. Daxwaza azadiya fîzîkî ya Rêber Apo hate kirin.
25’Ê HEZÎRANA 2024
Gelên Bakur û Rojhilatê Sûriyeyê li gelek bajaran bi çalakiyan li ber tecrîdê rabûn û ji bo mezinkirina têkoşînê bang kirin.
1’Ê TEBAXA 2024
Konseya Tenduristiyê ya Rêveberiya Xweser a Bakur û Rojhilatê Sûriyeyê li Hesekê konferansek lidar xist.
4’Ê TEBAXA 2024
Li Kobanê şeveke heblestan hate lidarxistin.
7’Ê ÎLONA 2024
Bi pêşengiya Akademiya Zanistên Civakî ya Rêber Abdullah Ocalan bi mijara ‘Rejîma Heqîqetê’ panelek hate lidarxistin.
10’Ê KANÛNA 2024
Înîsiyatîfa Sûriyeyê ya ji bo Azadiya Rêber Abdullah Ocalan ji bo balê bikişîne ser sîstema qirkirin û êşkenceyê ya li Îmraliyê nameyek ji Sekreteriya Giştî ya Neteweyên Yekbûyî re şand.
13’Ê ÇILEYA 2025
Li seranserê Bakur û Rojhilatê Sûriyeyê ji ber salvegera 26’an a komploya navneteweyî civînên gel hatin lidarxistin, ji bo tevlîbûna li pêngava ‘Azadî ji Abdullah Ocalan re, çareserî ji pirsgirêka Kurd re’ bang hate kirin.
14-15’Ê SIBATA 2025
Li Herêma Rêveberiya Xweser a Bakur û Rojhilatê Sûriyeyê bi dirûşma ‘Em ê Roja Reş bikin Roja Azadiya Rêber Apo’ mîtîngeke bi heybet hate lidarxistin.
27’Ê SIBATA 2025
Banga ‘Aştî û Civaka Demokratîk’ a Rêber Apo li Herêma Bakur û Rojhilatê Sûriyeyê li ekranên mezin hate nîşandan.
4’Ê ADARA 2025
Xelkê Amûdê civînek lidar xist û ji bo aştî û demokrasiyê işaret bi girîngiya azadiya fîzîkî ya Rêber Apo kir.
8’Ê ADARA 2025
Li gelek bajarên Bakur û Rojhilatê Sûriyeyê bi pêşengiya jinan çalakiyên 8’ê Adarê hatin lidarxisitn û peyama Rêber Apo ya ji bo jinan bû sedema kelecaneke mezin.
21’Ê ADARA 2025
Li qadên Newrozê peyamên ji bo azadiya fîzîkî ya Rêber Apo hatin dayin.
13’Ê NÎSANA 2025
Meclîsa Civaka Jinan a Zenûbiyayê li kantonên Dêrazor û Reqayê li ser pirtûka Rêber Apo rojên xwendinê lidar xist.
15’Ê NÎSANA 2025
Bi pêşengiya Kongra Star û Yekîtiya Jİnên Ciwan li bajarê Qamişloyê çalakiya çandî hate lidarxistin.
3’Ê GULANA 2025
Li Kobanê, Qamişlo û Hesekê bi hezaran kes ji bo azadiya fîzîkî ya Rêber Apo meşiyan.
