Malbata gerîlayê HPG’ê Ridvan Alagaş (Hamza Erkendî), piştî 12 salan serdana gora wî ya li Goristana Şehîd Bînewş a li gundê Basretê yê Çiyayê Gabarê yê Şirnexê kir.
Ridvan Alagaş di 15’ê Nîsana 2008’an de di şerê di navbera herêmên Geliyê Gûrdila û Karnê yên Çiyayê Gabarê de şehîd bû. Piştî ku cenaze li Goristana Şehîd Bînewş hat veşartin, malbatê di sala 2014’an de carekê serdana goristanê kir û piştî ku herêm wekî “herêma ewlekariya leşkerî” hat ragihandin, bi salan ji serdanan re hat girtin.
Malbat piştî 12 salan duh ji Edeneyê hat bajêr û serdana goristanê kir.
Bav Mehmet Alagaş bi gotina “Em ji vir hemû şehîdên Kurdistanê silav dikin” derbasî goristanê bû. Dayik Şefika Alagaş jî wiha axivî: “Ez dayika hemû şehîdên li vir im, ew hemû zarokên min in.”
Endamên malbatê goristan paqij kirin û kulîlk danîn ser hemû goran. Malbat piştî demekê ji goristanê veqetiya û dîsa vegeriya Edeneyê.
