Şeva Çarşemê li bajarê Lqliaa yê li nêzikî Agadirê hêzên ewlehiyê gule berdan ser komên ku hewl dan bi ser navenda polîsan de bigirin.
Rayedaran dan zanîn ku êrîşkaran hewl dane ku navenda polîsan bidin ber agir û cebilxane û çekan bi dest bixin. Di encama bûyera berbehs de du kesan jiyana xwe ji dest dane û gelek kes jî birîndar bûne.
Her çend kolektîfa ciwanan a bi navê ‘GenZ 212’ ku xwe li ser medyaya dijîtal birêxistin kiriye û protestoyên li welêt ji aliyê wê ve tên organîzekirin, çalakiyên xwe weke çalakiyên ‘’aşitiyane’’ pênase dike jî di nava du rojên dawîn de çalakiyên li bajêr zêde bûne.
Di xwepêşandanên li bajarên weke Kazablanka, Tanca û Tetuanê de dirûşmeyên weke; ‘’Bila gendelî bi dawî bibe’’ û ‘’Azadî, rûmet û edaleta civakî’’ hatin berzkirin. Her wiha îstîfaya Serokwezîr Aziz Akhannuş tê xwestin.
Li gorî Wezareta Karên Hundirîn di encama bûyerên her du rojên dawîn de nêzîkî 300 kes birîndar bûne ku piraniya wan wezîfedarên ewlehiyê ne û zêdetirî 400 kes jî hatine binçavkirin. Zêdetirî 140 wesayîtên polîsan hatine şewitandin û li dijî bînayên dewletê û bankeyan êrîş hatine lidarxistin.
GenZ 212, xwe li ser platpormên weke Discordê xwe birêxistin kiriye û ava bûye û di daxuyaniyên xwe de diyar dike ku ew tundiyê red dike û çalakiyên xwe di çarçoveya ‘’hezkirina welat û Şah 4’emîn Muhammed’’ de li dar dixe.
Hêjayî bibîrxistinê ye ku li Fasê di piştperdeya çalakiyên protestokirinê de newekhevî û cudahiya di navbera dewlet sektora taybet de hene.
