Navenda Ragihandina Hêzên Sûriya Demokratîk (QSD) bi daxuyaniyekê nasnameyên 4 şervanên xwe yên di dem û cihên cuda de şehîd bûbûn, aşkera kirin.
Di daxuyaniya QSDˊê de wiha hate gotin:
“Em bi serbilindî nasnameyên 4 şervanên xwe; ku yek ji wan di bersivdana êrişên şaneyên rêxistina “DAIŞˊê” ya terorîst de, 2 şervanên din di qezeyekê de dema li ser erkên xwe yên leşkerî bûn û şervanê 4ˊan di encama nexweşiyekê de, şehîd bûbûn aşkera dikin.
Şervanên me bi wêrekî û ruhê fedakariya xurt li dijî êrişên rêxistina terorîst tê koşiyan. Ji wan şervanan bi salane di nava refên me de ne, tev li hemleyên rizgarkirina herêman bûn, li pey xwe mîraseke nemir ji berxwedanê hiştin. Bi doza xwe ya ku di oxira wê de tê koşiyan bawer bûn. Heta dawiyê wefedar bûn.
Şehîd Hesen Elî di nava malbateke xwedî fikra niştîmanî de mezin bû, pabendî nirxên şoreşê û rêgezên wê bû, 3 bira ji malbatê tev li QSDˊê bûn. Têkoşînek gewre da meşandin û fedakariyên mezin pêşkêş kirin. 2 bira gihîştin asta şehadetê, yek ji wan hevrê Hesen e. Di hemleyên leşkerî yên tevlêbûne de damxayên xwe lê dan.
Hevrêyê me Hemze xwedî sicîla tije berxwedan û lehengî ye, di demeke zû de tev li nava refên me bû, beşdarî piranî hemleyên hêzên me bû; weke berxwedana Kobanê ya 2014ˊanî, hemleyên rizgarkirina Sirînê di 2015ˊan de, Bendava Tişrînê di 2016ˊan de, Minbicê di 2016ˊan de. Di berxwedana Kobanê de bi giranî birîndar dibe, lê hêz û vîna wî ya xurt a parastina xak û gelê xwe hişt ku vê birînê derbas bike û şerê dijî çeteyên “DAIŞˊê” dewam bike.
Hevrêyê me Harûn û Mihemed Mehmûd xwedî exlaqekî baş, seber û wêrekî bûn. Hevrêyê me Harûn bi lehengiyek mezin li dijî çeteyên “DAIŞˊê” têkoşiya heta gihîşt asta şehadetê. Şehîd Mihemd jî bi wefedarî û dilsoziyeke mezin tev digerî, bi hemû hêza xwe tê dikoşiya. Vê yekê hişt ku derdora xwe bandor bike.
Em sersaxiyê ji malbatên şehîdan dixwazin, û soz didin malbatan ku em ê bi hemû hêz û îsrara xwe heta pêkanîna xewn û xeyalên şehîdên xwe yên azadiya gel û parastina ewlehî û aramiyê, tê bikoşin.
Nasnameyên şehîdan wiha ne:
Nasnav: Harûn
Nav û paşnav: Ferec Qemer El Îd
Navê dayikê: Emîra
Navê bav: Qemer
Cihê jidayikbûnê: Til Hemîs-Xirbet Mûsa
Cih û dîroka şehadetê: Dêrazor-Dirnic-bersivdana êrişa DAIŞˊê-29ˊê Îlona 2025ˊan.
Nasnav: Hemze
Nav û paşnav: Xalid Mihemed Hesen
Navê dayikê: Zehîde
Navê bav: Mihemed
Cihê jidayikbûnê: Kobanê Boxaz
Cih û dîroka şehadetê: Sirîn-Xeseq-qezaya li ser kar-01ˊê Cotmeha 2025ˊan.
Nasnav: Mihemed
Nav û paşnav: Mihemed Mehmûd Şêx Hisên
Navê dayikê: Fatme
Navê bav: Mehmûd
Cihê jidayikbûnê: Kobanê-Mêl
Cih û dîroka şehadetê: Sirîn-Xeseq-qezaya li ser kar-01ˊê Cotmeha 2025ˊan.
Nasnav: Hesen Elî
Nav û paşnav: Hesen Mihemed Elî
Navê dayikê: Xod
Navê bavê: Mihemed
Cihê jidayikbûnê: Feyad
Cih û dîroka şehadetê: Reqa-di encama nexweşiyê de-28ˊê Îlona 2025ˊan.”
