– Êrîşên çeteyên HTŞ’ê yên hikûmeta demkî ya Sûriyeyê li ser bajarên Rojava û pêşketinên têkildar wê werin şopandin.
– Çalakiyên ku li Kurdistan, Tirkiye û Ewropayê li dijî êrîşên li Rojava hatine kirin wê werin şopandin.
– Hevseroka Giştî ya DEM Partiyê Tulay Hatîmogullari, Hevserokê Giştî yê Partiya Herêmên Demokratîk (DBP) Keskîn Bayindir, parlamenterên DEM Partî û nûnerên baro û rêxistinên sivîl wê biçin Bakur û Rojhilatê Sûriyeyê.
– Hevserokê Giştî yê DEM Partiyê Tûncer Bakirhan wê beşdarî meşa ku li Nisebînê were lidarxistin bibe.
-Hevserokê Komeleya Hiqûqnasên ji bo Azadiyê (OHD) Şaxa Stenbolê Îshak Demîrel derbarê êrîşên li ser Rojava yên ji aliyê çeteyên HTŞ’ê ku ji aliyê Tirkiyeyê ve tên piştgirîkirin de got, “Dema ku şer li Rojava berdewam dike, nabe ku mirov li bendê be ku li Tirkiyeyê bangên aştiyê werin kirin.”
– Pêşeroja Sûriyeyê û hêviya wê ya azadiyê ji bo siyaseta “bila Kurd diya xwe nebînin” a Tirkiyeyê tê qurbanîkirin. Yên ku QSD û Rêveberiya Xweser qels dikin, ên ku ev komployê organîze kirine, Sûriyeyê ber bi tariyekê ve dibin ku êşên wê dê bi salan werin hîskirin. (Nivîsa Zekî Bedran)
– Abdulkadîr Guleç êrîşên li Rojava nirxand û got, “Hemû êrîşên ku dibin sedema windahiya sivîlan sûcên li dijî mirovahiyê ne. Divê saziyên navneteweyî bi vê perspektîfê nêzî vê mijarê bibin. Peymanên heyî xwe naspêrin bingehek demokratîk.”
– Lêkolîner û nivîskar Azîz Tunç diyar kir ku piştî têkçûna hevdîtinên QSD-Şamê, herêmên Kurdan rasterast hatin hedefgirtin û gelê Kurd ji bo parastina îrade, destketî û rûmeta xwe di pêvajoyeke berxwedana topyekûn de ye.
