Bûyerên piştî banga 27’ê Sibatê ya Rêber Apo wê werin şopandin.
‘Komîsyona Demokrasî, Xwişk-Biratî û Piştevaniya Mîllî’ ya ku ji bo çareseriya pirsgirêka Kurd li Meclîsê hatiye avakirin, wê civîna xwe ya çaremîn lidar bixe.
Dayikên Aştiyê ku komîsyon wê li wan guhdarî bike, ji komîsyonê xwestin ku şerxwazan vala derxîne û ji bo aştiyê hewl bide.
Cîhan Sîncar têkildarî komîsyona li meclîsê ava bûye axivî û got, “Ji bo baweriya gel a bi pêvajoyê zêde bibe divê gavên şênber bêne avêtin. Têkoşîna aştî û demokrasiyê ji bo nirxên me yên ku me ew ji dest dane, divê bi ser bikeve.”
Siyasetmedarê Îtalî Paolo Ferrero anî ziman ku Rêber Apo pêvajo baş fêhm kiriye û got, “Ocalan dixwaze destketiyên têkoşîna çekdarî êdî bigihîne qonaxeke cuda. Ji Ocalan ê azad ditirsin, halbûkî azadiya wî, wê pêvajoyê bi ser bixîne.”
Ji fermandarên gerîla Amed Malazgîrt got, fermandar Nûreddîn Sofî kesayetekî pir alî bû, li gorî pêwîstiyê dîplomat, siyasetmedar û şervan bû û destnîşan kir ku bi saya têkoşîna Nûreddîn Sofî li çar parçeyên Kurdistanê gelek destketî hatin afirandin.
Ji Dayikên Aştiyê yên bi salan ji bo bidawîkirina şer têkoşiya Turkan Dûrç got, “Em dixwazin dest bidin hev û bi hev re ji komîsyonê re bibin alîkar.”
