– Geşedanên piştî Banga Rêber Apo ya Aştî û Civaka Demokratîk wê bên şopandin.
– Mehmet Zahir Saritaş diyar kir ku Rêber Apo ji bo aştiyeke mayînde xwedî planeke çareseriyê ya stratejîk e û anî ziman ku ji bo encambûna vê pêvajoyê divê dewlet bi muzakereya demokratîk û misogeriya qanûnî bersiv bide.
– Sezaî Temellî daxuyaniyên Hakan Fîdan û Wezareta Parastina Neteweyî ya derbarê Kurdên Îranê de rexne kir û diyar kir ku Tirkiye polîtîkayên rast û samîmî yên ji bo gel çênake û siyaseta wê ya derve xwe dispêre dijberiya Kurdan.
– Geşedanên têkildarî operasyona li ser DYE û Îsraîlê wê bên şopandin.
– Bi wesîleya 8’ê Adarê Roja Jinên Kedkar ên Cîhanê wê di 7’ê Adarê de li Dusseldorfê meş û mitîng were li dar xistin. Jinên ji Rojhilat, Rojava û Bakur ên li Elmanyayê dijîn, bang li hemû jinan kirin ku tevlî meşê bibin.
– Li taxa Kervanpınar (Arzoxlî), gundiyên ku li dijî projeya ZENKAR-1 SER’ê ya ku tê xwestin li ser qada mêrgê bê avakirin têdikoşin, gotin: “Mêrg milkê gundiyan in, ne qada rantê ne” û xwestin proje bê betalkirin.
