Tê ragihandin ku di sala 5’an a şerê Ûkraynayê de, Rûsya gav bi gav ber bi pêş ve diçe û DYE jî desteka xwe kêm dike, ev yek Moskowayê bi cesaret dike.
WINDAHIYÊN MIROVÎ
Ji Sibata 2022’yan û vir ve têkildarî hejmara mirî, birîndar û windayan, eşkerekirina bîlançoyeke teqez zehmet xuya dike.
Çavdêr serî li çavkaniyên cur be cur ên mîna dîmenên peykê û şer didin. Lê belê hejmarên windayan, di heman demê de weke amûra propagandayê ya şerê zanistê ya navbera aliyan tê bikaranîn.
Wezareta Parastinê ya Ûkraynayê têkildarî windahiyên artêşa Rûs daneyên rojane diweşîne.
Ev hejmar weke “propagandaya ji bo bilindkirina moral” tên pênasekirin. Li gorî Ûkraynayê ji 15’ê Sibata 2026’an û vir ve windahiya giştî ya artêşa Rûs (mirî, birîndar, dîlgirtî û windahî) gihişte milyonek û 253 hezar û 270’ê. Wezareta Parastinê ya Îngilistanê jî 4’ê Mijdara 2025’an hejmara mirî û birîndarên li eniya Rûsyayê, weke milyonek û 140 hezar eşkere kiribû.
Moskow îdîa dike ku aliyê Ûkraynayê zêdeyî milyonek leşker winda kirine. Rêveberiya Ûkraynayê têkildarî windahiyên xwe bi rengekî rêkûpêk daneyan parve nake. Serokkomar Volodimir Zelenskiy got, ji destpêka dagirkeriyê û vir ve 55 hezar leşkerên Ûkraynayê jiyana xwe ji dest dane.
