Koçberên Efrîn û Şehbayê yên li kantona Tepqayê bi dirûşmeya ‘’Em pişgiriyê didin berxwedana şerê gelê şoreşgerî li Şêxmeqsûd û Eşrefiyê’’ meşekî lidarxistin.
Meş ji navenda Azadiyê ya bajarê Tebqayê dest pê kir û ber bi navenda Aştiyê ve herikî, çalakgeran wêneyê Rêber Apo û ala Hêzên Sûriya Demokratîk QSD’ê bilind kirin. Her wiha dirûşmeya, “Bijî berxwedana taxa Şêxmeqsûd û Eşrefiyê û teqezkirina pişgiriya QSD’ê” hate berzkirin.
Piştî gihîştina navenda Aştiyê, deqeyeke rêzgirtin ji bo şehîdan hat girtin.
Piştre li ser navê koçberên ji Efrîn û Şehbayê, daxuyanî ji aliyê endama Rêveberiya Karûbarên Koçberan a kantona Efrîn û Şehbayê Lîliyan Mihemed ve hate xwendin. Di daxuyaniyê de wiha hate gotin:”Em êrîşa komên hikûmeta veguhêz ya Sûriyê li ser taxên Şêxmeqsûd û Eşrefiyê, tevî kesên, şermezar dikin. Ev êrîş binpêkirineke eşkere ye li dijî mirovên ku bi zorê ji malên xwe hatine derxistin û îro ji aliyê komên girêdayî hikûmeta veguhêz ve rastî neheqiyên herî dijwar tên. “
Di daxuyaniyê de hat destnîşankirin ku tiştên ku li taxên Şêxmeqsûd û Eşrefiyê diqewimin berdewamiya kiryarên nijadperest û xurtkirina siyaseta parçekirinê ya hikûmeta veguhêz e. Ew dubarekirina tiştên ku li peravê û li Siwêdayê qewimîne. Ji ber vê yekê em bang li hemû Sûriyeyiyên azad û bi rûmet dikin ku bi gelê me yê li taxên Şêxmeqsûd û Eşrefiyê re bibin yek.
Her wiha di daxuyaniyê de ji rêxistinên mirovî û civaka navneteweyî hat xwestin ku vê siyaseta ku ji hêla hikûmeta veguhêz ya Sûriyeyê ve tê meşandin rawestînin.
Di dawiya daxuyaniyê de hate destnîşankirin ku tiştê ku îro diqewime nebûna cidîbûnê di peydakirina çareseriyeke berfireh ji bo pirsgirêkên neteweyî yên neçareserbûyî de piştrast dike.
