Şêniyên bajarê Til Hemîsê, endam û nûnerên saziyên civaka sivîl, malbatên şehîdan, Hêzên Ewlekariya Hundirîn, rûspiyên êlan û kesayetên civakî tev li merasîma sersaxiyê ya şervanê Hêzên Sûriya Demorkatîk (QSD) şehîd Ferec Qemer El Îd (Harûn) bûn ku li pêşiya mala malbata wî ya li gndê Xirbet Musa yê başûrê bajarê Til Hemîsê hatiye lidarxistin.
Şervan Ferec Qere El Îd 29`ê Îlonê di berxwedana hember êrişên çeteyên DAIŞ`ê li gundewarê Dêrazorê de şehîd bûbû.
Di merasîma sersaxiyê de endama Meclisa Malbatên Şehîdan Beyda Mihemed axivî û got: “Şehîdan ji bo welat û gel canê xwe feda kirin. Em soz didin ku rê û têkoşîna wan temam bikin.”
Ji fermandarên Meclisa Leşkerî ya Til Hemîsê Elî Abdullah axivî û got: “Şervan Ferec, ji bo parastina axa xwe, cihê xwe di gelek eniyan de girt. Dawiyê şehîd bû. Em soz didin wî û hevalên wî ku rêya wan bidomînin.”
Endamê Partiya Yekitiya Demokratîk (PYD) Mihemed Kemaş soz da ku têkoşîna şehîdan berdewam bikin û got: “Ti kes nikare vîna me bişikîne. QSD`ê li ser vê axê ava bû. Di oxira wê de bi hezaran şehîd feda kirin.”
Bavê şehîd, Qemer El Îd wiha axivî: “Em bi şehîdên xwe ser bilind in ku rêya azadiyê ji bo me ronî kirin, bi saya wan em bûn xwedî vîn.”
Dûre wesîqeya şehadeta şehîd hate xwendin û radestî malbatê hate kirin.
