Serokkomarê Iraqê Nizar Amêdî di hevpeyvînekê li gel qanala El-Hedes a Erebî ragihand ku kontrolkirina çekan di destê dewletê de dosyaya herî girîng a hikûmetê ye. Nizar Amêdî diyar kir Iraq di şevekê de rûbirûyê êrişên Amerîka, Îsraîl, Îran û komên çekdar bûye ku ev yek nîşaneya lewaziya rewşa ewlehiyê ya li Iraqê ye.
Nizar Amêdî got: “Hikûmet dosyaya komên çekdar bi şêwazekî aqilmendî û bi awayekî ku rê li ber rijandina xwînê bigire, çareser dike. Em rê nadin axa Iraqê ji bo armancgirtina welatên cîran were bikaranîn.”
Nizar Amêdî bang li nûnertiyên dîplomatîk ên Erebî kir ku vegerin Bexdayê û tekez kir ku Amerîka hevparê wan ê stratejîke û Iraq peywendiyên xwe li ser bingeha berjewendiyên xwe yên neteweyî diyar dike.
Çavkaniyên medyayê yên Iraqî ragihandibûn ku di civînê de geşedanên dawî yên herêmî û navdewletî hatine gotûbêjkirin. Her wiha behsa şêwazên pêşxistina hevkariya navbera Iraq û dewleta Tirkiye di warên ewlehî û sîxuriyê de, bi awayekî ku berjewendiyên her du welatan biparêze hatiye kirin.
Serokkomar Nizar Amêdî ragihand ku diyalog û hev têgihiştin kevirê bingehîn ê kontrolkirina qeyranane û ji bo çareserkirina pirsgirêkan, bi armanca parastina ewlehiya hevpar û afirandina jîngeheke aramtir di herêmê de bal kişand ser girîngiya yekxistina hewldanan.
