TJK-E’yê, qetilkirina Seroka Rêxistina Azadiya Jin Yenar Mihemed, di êrîşeke çekdarî de li ber mala wê ya li Bexdayê bi tundî şermezar kir.
Di daxuyaniyê de hat destnîşankirin ku ev êrîş ne bûyerek bi tena serê xwe ye, beşek ji êrîşeke sîstematîk a li dijî têkoşîna rêxistinkirî ya jinan û rola wan a civakî ye. Di daxuyaniyê de, hat diyar kirin ku Yenar Mihemed, bi taybetî ji ber têkoşîna wê ya li dijî tundiya li ser jinan hatiye hedefgirtin.
TJK-E’yê ragihand ku êrîş plankirî pêk hatiye û hat xwestin ku sûcdar tavilê werin girtin û werin cezakirin.
TJK-E’yê da xuyakirin ku polîtîkayên bêcezatiyê bûyera qetilkirina jinan zêde dikin.
TJK-E’yê her wiha destnîşan kir ku jinên pêşeng ên li Rojhilata Navîn bi taybetî têne hedefgirtin û got ku armanc dûrxistina jinan ji qada gelemperiye.
TJK-E’yê di dawiyê de diyar kir ku jin wê dev ji têkoşînê bernedin û dê heya ku edalet pêk were pêvajoyê bişopînin.
