Serokê DYE’yê Donald Trump di çarçoveya êrîşên DYE-Îsraîlê yên li ser Îranê de rexne li Serokwezîrê Îngiltereyê Keir Starmer kir.
Trump di hevdîtina Serokwezîrê Elmanyayê Friedrich Merz a li Qesra Spî got, “Ez ji Brîtanyayê ne razî me.” Trump behsa êrîşên li ser Îranê kir û got, “Ji bo diyarkirina bê wê li ku derê dakevin sê yan çar roj pêwîst e. Kesê ku em pê re rû bi rû ne Winston Churchill e.”
Her wiha Trump îdia kir ku Spanyayê destûr nedaye artêşa DYE’yê baregehên xwe ji bo mîsyonên têkildarî êrîşên li ser Îranê bikar bîne û daxuyand ku hemû têkiliyên bazirganî wê bên qutkirin.
Trump ji rojnamevanan re got ku wî ferman daye Wezîrê Xezîneyê Scott Bessent ku “hemû têkiliyên xwe” bi Spanyayê re qut bike. Trump got, “Em ê hemû bazirganiyê bi Spanyayê re qut bikin. Em naxwazin ti têkiliya me bi Spanyayê re hebe.”
