Li Parka Azadî ya bajarê Silêmaniyê ji aliyê welatparêz, çalakvan, malbatên şehîdan û malbatên wan ve, şeş ciwanên ku sînorên destçêkirî rakirin û beşdarî seferberiya Rojavayê Kurdistanê bûbûn hatin pêşwazîkirin.
Ev ciwanên welatparêz ji bo piştgiriya şervanan û parastina destkeftiyên gelê Kurd li ser banga seferberiya Rêveberiya Xweser çûn Rojava û di qadên berxwedana rûmetê ya Rojavayê Kurdistanê de cih girtin.
Di heman demê de, beşdarên Safarbariyê tekez kirin ku ewê nehêlin Kurdistan bikeve destê dijmin û gotin; “Bi çûna ber bi Rojava ve, me sînorên çêkirî şikandin. Li gel hevalên xwe yên li Rojava, me axa xwe parast.”
Her wisa Berpirsê Têkiliyên Rêveberiya Xweser yê li Herêma Kurdistanê Mihemed Ala jî di merasîma pêşwazîkirina xwebexşên berxwedana rûmetê ya Rojavayê Kurdistanê de axivî û wiha got: “Em spasiya xelkê Başûr dikin ji bo bersiva banga me bi beşdariya seferberiyê û nûkirina hestên netewî dan.”
