Şêniyên bajarê Tirbespiyê ya kantona Cizîrê îro bi merasîmekê şervanê Hêzên Sûriyeya Demokratîk (QSD) şehîd Goran ku 19`ê Gulanê li devera Behra ya Dêrazorê şehîd bûbû, li Pakrewangeha Şehîd Dilşêr oxir kir.
Bi sedan şêniyên bajêr û nûnerên saziyên civaka sivîl û partiyên siyasî beşdarî merasîmê bûn.
Di merasîmê de endamê Meclisa Malbetên Şehîdan a Tirbespiyê Hecî Ebdî axivî û got: em sersaxî ji malbata şehid Goran re dixwazin.Şehîdên xwe hene û ji her kesî tê xwestin ku xwedî li keda wan derkeve.”
Ji fermandarên QSD`ê Rêzan Tirbespiyê jî diyar kir ku wek QSD erka wan ew e ku herêmê ji dagirkeran biparêzin û got: “Em soza xwe bi şehîdên xwe re nû dikin û em ê tu carî rêya şehîdan bernedin.”
Endamê Kongreya Îslama Demokratîk Şêx Ehmed Mihemed jî destnîşan kir ku şehîd xwedî nirxên pîroz in.
Piştî axaftinan belgenameya şehîd hate xwendin û radestî malbata wî hate kirin û cenazeyê şehîd Goran bi dirûşmên “Şehîd namirin” spartin axê.
