Danişîna 8’emîn a doza Hevşaredarê Bajarê Mezin ê Wanê Abdullah Zeydan li 5’emîn Dadgeha Cezayên Giran a Amedê hat lidaxistin. Dadgehê, bi îdiaya “Bi zanebûn û bi dilxwazî alîkarî daye rêxistinê” 3 sal û 9 meh cezayê hefsê da Zeydan.
Bi vê yekê re pêşiya tayînkirina qeyûm hate vekirin. Gelê bajar jî li dijî îxtîmala tayînkirina qeyûm, herikî pêşiya şaredariyê.
Girseya li pêşiya şaredariyê her ku diçe zêdetir dibe û welatiyên hatin pêşiya şaredariyê konê nobetê vegirtin. Girseya li pêşiya şaredariyê gelek caran dirûşmên “Bijî berxwedana gelê Kurd”, “Em ê bi berxwedanê bi ser kevin” û “Abdullah Zeydan û Neslîhan Şedal rûmeta me ne” berz dikin.
Welatiyan li ber stranan xelekên govendê gerandin û bi dirûşman biryara dadgehê protesto dikin.
