Kempeyn bo azadî rêber Ocalan (6)
Sîvan Se’îd: Pêş hemû şitêk êfêktî hebûbê yan na le ser sehney nêw dewletî êfêktî hebûwe le ser be xeberhênanewey xelik boxoy çunke azad bûnî ême boxoy garantîyeke bo baştir kirdinî rewşî ewîş lewê çunke ew le pênawî azadî xelik da lewêye û xoşhale bewey, min çendîn car le berêz parêzerekanîm bîstûwe ke delên lewê be êmey witûwe kake xemî mintan nebê min xom azadim biron xotan azad ken. Leber ewe em êfêktey her heye û ême dîsanewe be xoman da be xeber dêynewe ke kesêk heye lewê ke nwênerayetî ême eka û le zîndan daye ême ebê şerêk bikeyn bo ewe, belam qiseyekî zor naxoşe ke bîrî lê ekeytewe ew kesaney ke ewyan xistûwete zîndan ew hewle nêwdewletîyeye ke be serkêşî Nato û be serkêşî ew dewlete zil hêzane. Êsta ême îmza ko ekeynewe eybeyn bo UN, eybeyn bo Yekêtî Urûpa, eçîn leber dergakanî Yekêtî Urûpa û le London le ber dem jimare 10-î serokwezîran hawar ekeyn zehmet nebê werin be dem manewe êwey sahêbî dêmokrasî. Eme be rastî ez’efelîmanêke bo şer kirdin ême daway rehim le dujimnekeman dekeyn ke ewe wazîhe çunke ewan ta êsta le ser esasî ew meslehete şeryan kirdûwe ke meslehetî Turkiya bo ewan girîngitre belam xoşbextane lem zemane da ke êsta temaşa ekeyn be hoy ehmeqîyekanî Erdoxan û AKPewe êsta wirde wirde ew dujimnayetîyey ke her le salî 1923 we legel hemû dirawsêkanî Turkiya da heye zor zor geş bûwetewe, zor naxoş bûwe û ew qirêjîyaney ke ew çend sale kirawe le layen dewletî Turkiyawe zor zor îdî diyarin ke tenanet UNîş bew hemû fezahetey ke xoy heyetî natuwanê ziyatir çawî lê bipoşê eweta raportêk kewtûwete derewe ke murtezeqe le Sûryawe debate Lîbiya le Lîbiyawe dênêtewe Sûriya deybate Azerbaycan. Ye’nî karhayek eka ke hîç têrorîstêk nayka, hîç ra’îyekî têror nîye le ser zewî da le Iran û Turkiya ra’î tir û têrorîsttir bêt, emane wirde wirde debne rojev, lem zemane da ke wez’eke wehaye ême dengî xoman helbibirîn, karêk bikeyn ebîstirêt, baştir ebîstirêt. Cenabit agadarî par zemanêk ke Girê Sipî yê û Serêkanî gîra kesêkî Emrîkî le Waşintin post ya le NewYork Times da bû dilniya nîm nûsîbûy lanî kem lew heşt sale da nîw mîlyon xelik le Sûriya da kûjrawe û çendîn mîlyon aware bûwe belam be qeder ewey Girê Sipî û ewe deng danewey neda û dinyay nehejand. Leber ewey Kurdekan rêk xiraw bûn û ezanin çon şer biken bo dozekey xoyan. Meselen ême be hezaran çûyne ser cade, ême şervanekanman şerêkî gewreyan kird, leber ewe em corane le kempeyn qet xirap nîye, qet zererî nîye. Ewey ke xoy le nawewe ze’îfe pêy waye ke em kempeyne qazancî nîye, egîna emin beş be halî xom em mange ke baştir ektîv bûm le salanî pêşûtir lem bareyewe lanî kem hest ekem ke be rastî dozêke ke şayanî eweye însan wextî xoy bo bikûjê, şayanî eweye însan têyda gewre bê, dilnyam emro ke delêy kat katî ew kempeyneye, kat katî azadîye legell ew hemû kêşeye da ke Turkiya bo xoy durustî kirdûwe ême nizîktir dekatewe le azadî berêz Ocalan û ewe xewin nîye belkû hîwadarim zû be zû ême ew rastîye bibînîn ke ewîş bête derewe berew aştî deçîn, eger maseyekî tir dabindirê le beynî gelî Kurd û dewletî Turk da asantir û serî’tir berêwe eçêt.
Qazî: Pêm xoşbû be şêweyekî konkirêttir basî şêwazî ew kempeynane bikeyn. Dezanîn le wilatêkî wekû Birîtanya ziyatir le 7 ta 8 mîlyon endamanî sêndîka krêkarîyekan ew dawixwazeyan berz kirdûwetewe û le zor bone/ munasebetî salane da ke sêndîka corbecorekan heyane ew meseleye aktiwêl deken û le serî deron yan le wilatêkî wekû Italya le zor şaredarîyan, bo wêne hêndêk şaredarî piley hawwilatêtyan dawe be berêz Ocalan, yanî le layenî dîplomasî Kurdî ra lew zemîneye da serincî bîruray giştî le Urûpa rakêşrawe, ewe layenêke, belam ew bîrura giştîye, bo nimûne hêzêkî wekû sêndîkay krêkarî le Birîtanya çon detuwanê bandor û tesîr bika le ser biryarî siyasetmedaran bo wêne le ser hukûmetî Birîtanya? Çunke êsta basî ewe dekrê çend kesêkyan hênawete ser kar ke zor nizîkin le siyasetekanî Turkiya. Mebestî min eweye yanî le barî êfêkt bûn bew şêweye delêm, hêzêkî pênc şeş mîlyonî awa dîfa’ bika le meseleyek çon dekrê ewe mudawemetî pê bidrê ke bituwanê tesîr bika lewaney ke biryarî siyasî deden?
Sîvan Se’îd: Lanî kem eger ewane netuwanin le ser ew dewlete konzêrvatîvey ke êsta le ser kare le Birîtanya ke zorbey ewaney sêndêkakan layengirî Labour in yan lanî kem çepin. Leber ewey tesîrêkî rastewxoy le ser dewlet lewêwe ebêt ke hereşeyan lê bikrêt ke lemew duwa dengekan ziyatir berew labour biron.
Belam eger Labour le ser kar bê renge îşeke asantir bibê. Belam dewlet le şwênêkî wekû Birîtanya ya Emrîka da ke dewletêkî sîvîl e bew şêweyey ke dewletêkî partîzan nîye egerçî hîzbî konzêrvatîv ya Labour le ser hukmin belam komelêk meslehetî qewmî û meseley MI6 û MI5 emane ke heye girînge le layan ewane hemîşe komelêk xelkî nuxbey le piştewe ke dewletî qûle be karî dênin ke be asanî em dengane û em ray giştîyane tesîrî nakate ser îla eger tesîrêkî gewrey le ser banqekan û le ser kooprêtîvekan û ewane nebê.
Dirêjey heye…
