Pîrozbahiya 15’ê Tebaxê ya li Herêmên Parastinê yên Medyayê bi merasîmekê destpê kir.
Ji fermandarên gerîla Egîd Reşît li ser girîngiya pêngavê axivî, di şexsê fermandarê efsanewî Egîd (Mahsûm Korkmaz) de şehîd hemû bib îr anî û Pêngava 15’ê Tebaxê li Rêberê Gelê Kurd Abdullah Ocalan, gerîla û gelê Kurd pîroz kir.
Egîd Reşît diyar kir ku rêya serketinê ya Pêngava 15’ê Tebaxê ji gerîla derbas dibe û got, “Ruhê 15’ê Tebaxê ruhê tolhildanê ye. Weke gerîlayên azadiyê yên Kurdistanê em ê ti carî xwîna şehîdan li erdê nehêlin. Ruhê 15’ê Tebaxê ruhê tolhildana Dersim, Koçgirî, Agirî û Zîlan e. Ruhê tolhildana Şîkak, Helebce, Şengal û Barzan e. Ruhê tolhildana hezaran salan e.”
Egîd Reşît gerîlayên ku çalakiyên fedaî kirin bi bîr anî û got, “Em soz didin Rêber Apo, şehîdên Kurdistanê û gelê Kurd; gerîlayên azadiyê yên Kurdistanê wê azadiya Rêber Apo û Kurdistanê misoger bikin.
Piştî axaftinê gerîlayan bi qîrîna dirûşman dilsoziya xwe ya bi Abdullah ocalan û şehîdan re nîşan dan, yek bi yek silav dan hev û li ber stranên Kurdî govend gerandin.
Dîmenê pîrozbahiyê li Gerîla TV hatin weşandin.
