Li gorî daxuyaniya Wezareta Karên Derve ya Dewletên Yekbûyî yên Emerîkayê (DYE), Marco Rubio wê di navîna meha Sibatê de biçe serdana Îsraîl, Komkara Erebî, Qatar û Siûdî Erebistanê.
Ji dema daxuyaniya Serokê DYE’yê Donald Trump a têkildarî koçkirina Fîlîstîniyan a ji Xezeyê, ev wê li herêmê bibe serdana destpêkê ya Wezîrê Karên Derve ya DYE’yê.
Rubio da zanîn ku beriya biçe serdanê, wê li bajarê Munîh ê Elmanyayê beşdarî konferansa ewlehiyê bibe.
Li gorî nûçeya AFP’ê ji Wezareta Karên Derve rayedarekî ku nexwest navê xwe eşkere bike wiha got, “Marco Rubio û hemû cîhan jî paş dizanin ku Xeze niha ne cihekî welê ye ku mirov lê vegere.”
Rayedar ev tişt jî got, “Divê em vê mijarê bi rengekî cidî baxivin û li gorî min, Serok (Donald Trump) dest bi axaftina vê mijarê kir.”
