Serokwekîla Koma Partiya Demokrasî û Wekheviyê ya Gelan (DEM Partî) Gulistan Kiliç Koçyîgît li meclîsê civîna çapemeniyê lidar xist û têkildarî hevdîtina sêyemîn a li Îmraliyê axivî.
Gulistan Kiliç Koçyîgît got, “Heyeta me wê di nava çend rojan de biçe Îmraliyê. Têkildarî vê yekê serlêdanên pêwîst wê di nava çend rojan de, îro yan jî sibe bêne kirin. Amadekarî têne temamkirin. Di serdana li Îmraliyê de bi taybetî agahiyên li ser serdanên li Başûrê Kurdistanê û nîqaşên hatin kirin wê ji Birêz Ocalan re bêne ragihandin. Piştî vê hevdîtinê wê bi Birêz Ocalan re dema ragihandina banga dîrokî bê diyarkirin. Di çareseriya pirsgirêka Kurd de wê bibe destpêka serdemeke nû. Em zanin ku ew banga dîrokî wê bê. Partîkên ku derbê li vê zemîna tifaqa Tirk û Kurd dixin û bendê datînin ber, divê ji aliyê siyaset û civakê ve bêne mehkûmkirin.”
BANGA LI MECLÎSÊ
Gulistan Kiliç Koçyîgît diyar kir ku piştî banga dîrokî hate kirin wê berpirsyarî bikeve ser milê meclîsê û got, “Piştî ku ev banga dîrokî hate kirin, em bang li meclîsê dikin ku bi berpirsyarî rabe, bikeve bin bar, guhertinên qanûnî ji bo bicihanîna pêwîstiyên vê bangê bike û tavilê bikeve nava liv û tevgerê.”
