Têkildarî komkujiya ku dewleta Tirk doh bi şev li gundekî Kobanê kir û 9 kes ji malbatekê qetil kir, Nobedarên Bendava Tişrînê daxuyaniyek dan çapemeniyê û êriş şermezar kirin.
Daxuyanî ji aliyê Endamê Hêza Parastina Civakê a kantona Firatê Bedî ve hat xwendin û hate gotin, “Em li ser bendavê van êrîşan şermezar dikin. Êrîşa ku doh li ser wê malbatê hatiye kirin, divê ew kujer bêne darzandin. Doh weke her kes dizane salvegera Komkujiya Helebceyê bû. Di heman demê de jî gelê gundê Berxbatanê hatin hedefgirtin û malbat şehîd bû û du zarokên wan jî birîndar bûn. Em bang li rêxistinên mafên mirovan dikin ku bi erka xwe rabin.
Daxuyanî bi dirûşma “Berxwedan Jiyan e”, “Şehîd namirin” bi dawî bû.
