Şêniyên bajarên Girkê Legê, Dêrik û Til Koçerê yên kantona Cizîrê bi merasîmekê cenazeyên şervanên Hêzên Sûriyeya Demokratîk (QSD) Ehmed Hesen û Enes Xelef (Egîd Til El Sira) û Amir Îbrahîm ku di 29’ê Çileyê de şehîd bûbûn û Îsa El Mustefa (Dilovan) ku di 25’ê Çileyê de li eniya Tişrînê şehîd bûbû, veşartin.
Di merasîmê de endama Meclisa Malbatên Şehîdan a bajarê Girkê Legê Zilfa Bedro axivî û diyar kir ku bi saya fedakariya şehîdan û felsefeya Rêber Abdullah Ocalan biratî di navbera gelan de û jiyana hevbeş a aştiyane di navbera hemû pêkhateyên Bakur û Rojhilatê Sûriyeyê de pêk hat. Zilfa Bedro soza şopandina rêya şehîdan da.
Ji fermandarên QSD`ê Mihyedîn Xêrikî jî got: “Bi hevgirtina hemû pêkhateyan û şervanan li hemberî dagirkeriya Tirk û çeteyên wê, me planên wan pûç kirin.”
Xêrikî soza şopandina rêya şehîdan û berdewamkirina têkoşîna wan da.
Di dawiya merasîmê de belgenameyên şehîdan hatin xwendin û radestî malbatên wan hatin kirin.
Cenazeyê şehîdan Ehmed Hesen û Îsa Mistefa li Pakrewangeha Şehîd Xebat û cenazeyên şehîd Enes Xelef û Amir Îbrahîm li Pakrewnageha Şehîd Iqab El Esweyid a bajarê Til Koçerê spartin axê.
