Îro Êzidiyan Cejna Çarşema Serê Nîsanê li her devera cîhanê pîroz dikin. Çarşema borî jî Tebeqeya feqîran Çarşema Serê Nîsanê pîroz kirin.
Bi pêşengiya Rêveberiya Xweser a Şengalê îro li Geliyê Kersê ya Şengalê şahiyek bi boneya pîrozbahiya Çarşema Serê Nîsanê tê lidarxistin. Ji bo pîrobahiyê ji welat û derveyî welat gelek hunermend hatin vexwendin.
Ji Bakurê Kurdistanê hunermend Arhat, ji derveyî welat Aydin Mirad, ji Rojhilat û Başûrê Kurdistanê Dilniya Xan û komeke Yarsan hatin vexwendin.
Şahî îro di derdora saet 14.00’an de bi dirûşmeya, ‘‘Banga Aştî û Civaka Demokratîk, bersiva li dijî 73 fermanên Êzidiyan e’ bi deqîqeyek rêzgirtin ji şehîdên Êzidxanê û têkoşîna azadiyê destpkir.
Di şahiyê de peyama Rêber Apo ku dibêje, ‘‘Wê ev bang bibe ronesansa Êzidiyan’ hate xwendin û paşê jî hevserokê MXDŞ’ê Nayîf Şemo bi navê Rêveberiya Xweser peyamek da û cejnê li hemû Êzidiyan pîroz kir.
Kolektîva ‘Sasê Êzî’ ku ji tenbûrvanên Şengalê pêk tê, cara yekemîn di Çarşema Serê Nîsanê de derket ser dike û hunera xwe pêşkêş kir.
Piştre Dilniya Xan û hunermendên Yarsan derketin ser dikê û stran gotin.
Şahî bi awayeke girseyî li Geliyê Kersê wê heya saetên êvarê dewam bike.
