Banga li rojnamevan Gulistan Dûrsûn hate kirin ku îfadeyê bide. Sedem jî tevlîbûna li daxuyaniya çapemeniyê bû ku têkildarî qetilkirina rojnamevan Gulistan Tara û Hêro Bahadîn hate dayin. Herdu rojnamevan 23’ê Tebaxa 2024’an li bajarê Silêmaniye yê Başûrê Kurdistanê di êrîşa hewayî ya balafireke bêmirov a bi çek a dewleta Tirk de hatin qetilkirin.
Gulistan Dûrsûn li Şaxê Ewlekariyê yê Midûriyeta Emniyetê ya Stenbolê bi îdîaya “propagandaya rêxistinê” îfade da û hate sûcdarkirin ku 26’ê Tebaxa 2024’an li Qada Şîşhaneyê beşdarî daxuyaniya çapemeniyê bûye.
Di dema daxuyaniyê de Gulistan Dûrsûn pankarta bi nivîsa “Em pênûsa naşikê ya Gûrbetellî (Ersoz) in” hilda bû ku ev yek weke sûc hate nîşandan.
Gulistan Dûrsûn di îfadeyê de diyar kir ku ya ku wê kiriye sûc nîne.
