Ofîsa çapemeniyê ya hikûmeta demkî ragihand ku balafira bi modela F-7 BGI’ye yekmotorî a ji aliyê Çînê ve hatiye çêkirin û ji aliyê Hêzên Hewayî yên Bangladeşê ve dihat bikarnîn, 21ê Tîrmehê roja Duşemê li Dakkayê li ser kampusa Mileston ya dibistanekê ket.
Di encama bûyerê de pîlotê balafirê û zarok jî di nav de herî kêm 20 kesan jiyana xwe ji dest dan û piraniya wan zarokên dibistanê yên di navbera 8 û 12 salî de ne, 164 kes birîndar bûn. Hat ragihandin ku rewşa 20 birîndaran giran e.
Li gorî daxuyaniya hikûmeta Bangladeşê, sedema ketina balafirê hêj nayê zanîn.
Rayedaran li seranserê welêt roja Sêşemê şîna neteweyî ragihandin.
