MLKP/Kurdistan ji ber şehadeta Nûreddîn Sofî û Koçero Urfa sersaxî ji malbat û hevrêyên wan û ji gelê Kurdistanê re xwest.
MLKP/Kurdistan got, “Ji ber windahiya van du hevrêyên hêja bi qasî xemgîniyê hêrsa me jî mezin e.”
MLKP/Kurdistan diyar kir ku wê ‘tevkariyên hêja’ yên Nûreddîn Sofî yên ji bo hebûna MLKP’ê li Herêmên Parastinê yên Medyayê û Rojava ti carî ji bîr neke û got, “Herdu hevrê xwedî kedeke mezin bûn, bi fedakariya mezin, wêrekî, dilsoziya bi gelan û dilnizmiya xwe xwedî jiyaneke bi mînak bû.”
Komîteya Navendî ya TKP-ML jî di daxuyaniya xwe de got, “Partiya me bi herdu şoreşgerên nemir de di demên cuda de xebitî û bi van herdu şoreşgerên hêja re têkiliyên xurt ên şoreşgerî danî.”
Di daxuyaniyê de hate gotin, “Mîrateyên şoreşgerî yên nemir ên herdu şoreşgeran wê di Şoreşa Gel a Demokratîk û têkoşîna me ya sosyalîzmê de dewam bike.”
