Di daxuyaniyê de ku li Rêxistina Parastina Mafên Rojnamevan a Metro hate dayin, hate ragihandin ku Hisên ji aliyê wan hêzan ve hate qetilkirin ku li gorî berjewendiyên eşîrî û siyasî tevdigerin û hate gotin, “Em ê kujeran ne ji bîr bikin ne jî efû bikin.”
Ajansê diyar kir ku li gel 9 salên di ser kuştinê re derbas bûne hîn di dozê de gavek nehatiye avêtin û bi bîr xist ku kujer nehatine darizandin û dosya ji aliyê hêzên ewlekariyê ve hatiye nixumandin.
Rojnewsê PDk weke berpirsyarê sereke yê kuştina Hisên nîşan da û ragihand ku gora Wedat Hisên her sal di salvegerê de ji aliyê hêzên ewlekariyê ve tê dorpêçkirin.
Di daxuyaniyê de hate gotin, kesên ku rojnamevanan dikujin têne berdan, lê belê gelek azadîparêzên Behdînanî yên weke Qareman Şukrî û Şêrwan Şêrwanî girtî ne.
