Rayedarên tenduristiyê yên Fîlîstînî diyar kirin ku li bajarê Xan Yûnisê yê Xezeyê, Îsraîlê êrîş bir ser Nexweşxaneya Nasser. Hate ragihandin ku di encama êrîşê de herî kêm 15 kesan jiyana xwe ji dest dan ku 3 ji wan rojnamevan bûn. Li gorî heman çavkaniyê, yek ji rojnamevanên hatin kuştin ji bo Reutersê dixebitî.
Reutersê diyar kir ku rojnamevanê jiyana xwe ji dest da kameramann Hussam el-Masri bû û bi wan re bi peyman dixebitî.
Hate ragihandin ku Hatem Halid ê di êrîşê de birîndar bû ji bo Reutersê bi peyman dixebitî.
Artêş û ofîsa Serokwezaretiyê ya Îsraîlê li ser êrîşan daxuyanî nedan.
