Çalakiya nobetê ya li Wargeha Penaberan a Şehîd Rustem Cûdî (Mexmûr) ku di 20’ê Tîrmeha 2023’an de ji bo azadiya fîzîkî ya Rêberê Gelê Kurd Abdulah Ocalan hatîbû destpêkirin, bi koma 225’an di roja 1180’an de didome.
Dewrgirtina çalakiya nobetê li Saziya Malbatên Şehîdan a Mexmûrê bi amadebûna gel bi deqeyek rêzgirtinê ji bo giştî Şehîdên Azadiya Kurdistanê destpê kir.
Piştî rêzgirtinê li navê çalakvanan Mîran Oy axivî.
Mîran Oy di destpêka axaftina xwe de destnîşan kir ku çalakiya xwe ji bo fîzîkî azadkirina Rêber Apo dane destpêkirin û got: “Heta em fîzîkî azadiya Rêbertiya xwe mîsoger nekin, em dest ji çalakiya xwe bernadin. Ev pêvajoya hatî destpêkirin hem ji bo gelê Kurd hem ji bo gelê Tirk gelek girînge. Ji ber ku ne şer heye ne jî xwîn tê rijandin, divê em vê pêvajoyê bi ser bixin. Di vê pêvajoyê de ji aliyê rêxistin û gelê Kurd ve gavên pêwîst hatin avêtin, pêwîst dewleta Tirk jî hindek gavên ber biçav bi avêje.”
Merasîma dewrgirtina çalakiyê bi bilind kirina dirûşmeyên ‘Bê Serok Apo’, ‘Bijî Serok Apo’ û ‘Jin Jiyan Azadî’ dawî bû.
