Di daxuyaniya Konseya Yekîtiya Ewropayê de hate ragihandin ku ji ber karên nukleerî yên Îranê “hin tedbîrên astengkirinê jinûve ketin meriyetê.”
Li gorî biryara êvara Şemiyê ya KENY, kes, sazî û şîrketên ku tevkariya yekser an jî neyekser li bernameya nukleerê û karên pêşvebirina fuzeyên balîstîk ên Îranê dikin, dikevin ber pêkanînan.
Di biryara Yekîtiya Ewropayê de li gel pêkanînên Neteweyên Yekbûyî her wiha rawestandina malên Banka Navendî ya Îranê, astengiyên aborî û bazirganiyê jî hene.
Îranê roja Yekşemê daxuyaniyek da û jinûve ferzkirina van pêkanînan weke “Neheqî û bêhincet” pênase kir.
Piştî ku welatên Rojavayî û Tehranê li ser bernameya nukleerê li hev nekirin, pêkanîn jinûve ketin meriyetê.
