Çavkaniyên xwecih ên li Efrîna dagirkirî diyar kir ku ciwanê bi navê Canyar Mihemed Kêlo yê 19 salî beriya mehekê ji aliyê çeteyan ve hatibû revandin û heya niha aqûbeta wî nayê zanîn.
Li gorî nûçeya ANHA’yê ku xwe dispêre çavkaniyên xwecihî dema ku artêşa dewleta Tirk û çeteyên wê di dawiya Kanûna 2024’an de herêma Şehbayê dagir kirin, Canyar û birayê xwe yê mezin Reşîd Mihemed Kêlo (25) revandin û birin dibistanekê ya li bajarê Til Rifetê.
Çavkaniyan destnîşan kir ku Canyar û biryarê xwe 10 rojan di dibistanê de hatibûn ragirtin, piştre sewqî girtîgeha Raî hatin kirin.
Çavaniyan dane zanîn ku di dema pevguhertina dîlgirtiyan de çeteyan Reşîd berda, lê Canyar bernedan.
Li gorî çavkaniyan, îstîxbarata Tirk Canyar tevî 18 revandiyên birin girtîgeha gundê Qetmê yê Efrînê û ji bo serbestberdana wan fidiye ji malbata wî û yên revandiyên din xwest. Piştî fidiye dan, Canyar hat berdan û vegeriya gundê xwe.
Çavkaniyan bi domdarî diyar kir ku Canyar 16’ê Îlona îsal hat agahdarkirin ku biçe navenda hêzên hikumeta veguhêz û belgeya “beraatê” binîvisîne. Li Çavkaniyan dane zanîn ku Canyar ji wê demê ve hat revandin û aqûbeta wî nayê zanîn.
Malbata Canyar ji be rewşa Canyar bi fikar e û diyar kir ku hêzên hikumta veguhêz berpirsê silametiya wî ye.
