Li gorî agahiyan, hêzên hêzên Hikûmeta Demkî ya Sûriyeyê êşkence li ciwanên Kurd ên li taxên Şêxmeqsûd û Eşrefiyê yên Helebê kirine û revandine. Li gorî çavkaniyên xwecihî, bûyer di nav rojê de li gelek deveran qewimîne.
Li gorî agahiyan, kesên ku van êrîş û binpêkirinan li derdora her du taxan pêk tînin, endamên komên bi navê Firqeya 60, 72 û 76`an in. Ev firqe jî girêdayî Wezareta Parastinê ya hikûmeta demkî ne.
Li gorî agahiyên şahidan, bûyerên revandinên îro li nêzî Parka Çandiniyê, ku li kêleka Rêveberiya Çandiniyê ya bajarê Helebê ye, pêk hat. Li wir çekdaran li hejmarek ciwanan da û paşî ew revandin. Yek ji komên ku du ciwan revandin û êrîşî yekî din kirin, hat dîtin ku li erebeyeke spî siwar bûn. Çekdarên bi maske û cilên reş li xwe kiribûn.
Li gorî ANHA’yê îro zêdetirî 7 ciwan li deverên cûda hatine revandin. Nehat zanîn ku bê wan bi ku derê ve birine û aqûbeta wan nayê zanîn.
