Li taxa Wirûd -Kolana El Hebal a Humsê çekdarên nenas ên ku li wesayitekê siwar bûbûn gule li welatiyê bi navê Hatim Ebûd barandin. Ebûd li hotêla Sefîr a heman taxê bi şandeya Neteweyên Yekbûyî (NY) re wekî berevan dixebitî.
Hevjîna wî bang li welatiyan kir ku Ebûd rakin nexweşxaneyê, lê kesekî gund neda wê û piştre Ebûd jiyana xwe ji dest da.
Li gorî agahiyan, Ebûd ne girêdayî tu aliyan bû û hat piştrastkirin ku sedema vê sûcê mezhebperestî ye.
Li hemberî vî sûcî şêniyên taxê bertekên nerazîbûnê nîşan da got “Dema tu Elewî bî tu tê hedefgirtin û tu ji bo nexweşxaneyê nayê veguhastin.”
Ev demeke ku sûcên li dijî pêkhateyên Sûriyeyê bi taybetî Elewiyan zêde bûne, nexasim li Humsê û gundewarê wê, bê ku Hikumeta Demkî ya Sûriyeyê tu biryar û qanûnên darizandinê bide.
