Piştî sê roj aloziya li gundê Lacan ku destwerdaneke tund ya leşkerî hate kirin, xelkê gund konên xwe rakirin û vegerîn malên xwe. Tê payîn ku PDK sibe hemû hêzên xwe ji gund û derdorê vekişîne lê hîn jî rewş li deverê aram nebûye.
Xelkê gundê Lacan îşev konên xwe rakirin û vegeriyan malên xwe ku ev sê roj bûn ji ber alozî û bê îstiqrariya ji ber destwerdana çekdarên PDK’ê li gund heye, gundê xwe vala kiribûn.
Vegera xelkê gundê Lacan dawî li rewşa leşkerî ku ji êvara Şemiyê ve li herêmê hatibû ferzkirin, anî.
Hêzên ewlehiyê di van sê rojan de dorpêça li ser gundê Lacan tundtir kirin û bi rêya hoparlorên mizgeftan bang li niştecihan kirin ku ji gund derkevin.
Tevî hewldanên nûnerên gund û xelkê rihspiyan a ji bo aramkirina rewşê û berdana girtiyan, lê rewş aloz asayî nebûye. Destwerdana leşkerî niştecihên gund neçar kir ku malên xwe biterikînin.
Niştecihên gund diyar kirin ku ji ber zextên berdewam yên çekdarên PDK’ê ew neçar mane ku malên xwe biterikînin û vegera xwe bi şertê vekişîna temamî ya hêzên ewlehiyê ji gund ve girêdidin. Tê payîn ku sibe hemû hêzên ewlehiyê yên PDK’ê ji gundê Lacan derkevin. Lê aloziya heyî hîn jî aram nebûye.
