Komeleya Mafên Mirovan a Kurdistanê ev kiryar weke parçeyek ji zexta bi rêk û pêk a li dijî perwerdekaran şîrove kir û li ser encamên gengaz ên civakî û perwerdeyî hişyarî da.
Li gorî rapora ku ji aliyê komeleyê ve hate weşandin, Desteya Dîsîplînê ya Wezareta Perwerdeyê ya Îranê, di Sibata 2024’an de li bajarê Sine biryar hatibû dayin ku 8 mamoste ji wezîfeyê bêne dûrxistin. Ev biryar beriya demeke kurt hate erêkirin. Piraniya van perwerdekaran ku lîsansa bilind kirine û zêdeyî 20 salan xwedî tecrûbe ne, wê êdî nikaribin wezîfeya xwe dewam bikin.
Mamosteyên ji kar hatin dûrxistin: Majid Kerimi, Ghiyas Nemati, Cihangir Behmeni (Sine), Omid Şah-Mohammadi, Parviz Ehsani, Kaveh Muhammedzade ve Hiwa Qureshi (Dîwandere), Semiye Akhtarmşar (Merîwan).
Hate ragihandin ku li bajêr her wiha cezayê dîsîplînê li perwerdekarên din ên li bajêr hatine birîn.
Komeleya Mafên Mirovan a Kurdistanê diyar kir ku ev biryar nîşaneyeke zêdebûna zexta li aktîvîstên sendîkayî û civata perwerdeyê ya li Îranê ye.
Komeleyê destnîşan kir ku tasfiyekirina kadroyên mamosteyên pispor wê li herêmên dezavantaj kalîteya perwerdeyê di asteke cidî de bixîne.
