Çalakiya nobetê ya li Wargeha Penaberan a Şehîd Rûstem Cûdî (Mexmûr) ku di 20’ê Tirmeha 2023’an de ji bo azadiya fîzîkî ya Rêber Apo hatiye destpêkirin, bi koma 173’an û di roja 885’an de didome.
Merasîma dewrgirtina çalakiyê nobetê li Saziya Malbatên Şehîdan a Wargeha Mexmûrê, bi deqeyek rêzgirtinê ji bo hemû şehîdên Tevgera Azadiya Kurdistanê destpê kir.
Piştî rêzgirtinê li ser navê koma 172’an Mamoste Ayten Sure daxuyanî xwend.
Daxuyanî wiha ye:
“Wek tê zanîn ev 26 sal in Rêber Apo dibin hemû şert û mercan de, bi îradeyek xurt têkoşîn dike. Em weke Wargeha Şehîd Rustem Cûdî ji 2023’an ve di çalakiya nobetê de ne. Rêber Apo kilîla çareseriya pirsgirêka Kurd û Rojhilata Navîn e. Di heman demê de aktorekî sereke yê sedsala 21’an e. Ji bo kaosên heyî bêne derbazkirin, pirsgirêkên girêkor bên çareserkirin, pêwîstî bi fikir û îdeolojiya Rêber Apo heye. Pêvajoya aştî û civaka demokratîk ya ku Rêber Apo dayî destpêkirin, ne tenê gelê Kurd hemû gelan di nava xwe de dihewîne. Ji bo ku ev pêvajo bi awayek serkeftî bi rêve biçe, pêwîstî bi başkirina şert û mercên Rêbertî heye. Her wiha pêwîstî bi azadikirina Rêber Apo ya fîzîkî heye.
Li rûxmê ku di qanûna Neteweyên Yekbûyî de mafê hêviyê heye jî, ji bo Rêbertiya me ne hatiye dayîn. Bi wê ve girêdayî dewlet rê nade ku kesên rewşenbîr û rojnamevan bi Rêbertî re hevdîtinê bikin. Ev jî dede diyarkirin ku dewlet di rast nêzîkbûna li pêvajoyê û pirsgirêkê çareserkirinê de lewaziyan jiyan dike. Ji bo em bikaribin li pêvajoya aştî û civaka demokratîk xwedî derbikevin, divê bi taybet wek jin em destê Rêbertiya xwe xurt bikin. Divê em manîfestoya aştî û civaka demokratîk û peyamên Rêber Apo yên ji bo Kurd û xwiş- biratiya gelan esas bigirin û li gorî wê tevbigerin.”
Piştî daxuyaniyê, çalakî bi dirûşmeyên ‘Bijî Rêber Apo’ û ‘Bê Serok Jiyan Nabe’ dewrî koma nû hate kirin.
