Meclisa Şêx û Rûspiyan a Kantona Cizîrê bi tevlîbûna endamên Nivîsgeha Têkiliyan a Hêzên Ewlekariya Hundirîn ên Kantona der barê êrÎşên çeteyên hikumeta demkî yên li ser taxên Şêxmeqsûd û Eşrefiyê de daxuyaniyek da.
Daxuyanî li bajarê Hesekê bi amadebûna rûspiyên eşîrên Kurd û Ereb ên kantonê ji aliyê nûnerê meclisê Fehed Şêxanî ve hat xwendin.
Di daxuyaniyê de wiha hate gotin: “Em êrîşên li ser taxên Şêxmeqsûd û Eşrefiyê ku dighêjin asta sûcên qirkirinê û hedefkirina hebûnê bi tundî şermezar dikin. Di heman demê de em bêdengiya navneteweyî ya li hemberî van sûcan red dikin.
Em piştgiriya xwe ya siyasî, manewî û lojîstîk bi xelkê me yê li Şêxmeqsûd û Eşrefiyê re radighînin û piştgiriyê didin biryara meclisa wan a berxwedanê û parastina taxên xwe. Em ji her kesî re dibêjin, nabe tu alî bi darê zorê şêniyan ji malên wan derbixin an jî guhertine demgorafîk li ser wan ferz bike. Erd ê xwediyê wê yê berxwedêr e. Em bang li gelê xwe dikin ku neyên lîstok û şerên taybet ku dijmin dimeşîne. Çanda berxwedanê ku di ruhê Şêxmeqsûdê de kokdar e dê planên wêrankirinê têk bibe. Em berxwedana şervanên li eniyên berxwedanê silav dikin û dibêjin wê serkeftin para gelê xwedî îradeya azad be.”
