Lindsey Graham, têkildarî mijarê di hesaba xwe ya X de peyamek weşand û ev tişt anîn ziman: “Ez tevlî banga xwînsariyê ku Senator Risch ji bo Suriyeyê kiriye, dibim. Pêwîste ji hikûmeta nû ya Suriyeyê re bi awayekî eşkere were gotin ku li hemberî binpêkirinên mafên mirovan ên li dijî hindiknetewan tehemul nayê nîşandan.
Tişta ku herî zêde mirov aciz dike jî ew e ku hêzên artêşa Suriyeyê û Tirkiye li hemberî hevbendên (hevalbend) me yên Kurd ber bi asteke hîn pêşdetir ve, ketine nava liv û tevgerê. Derbarê vê mijarê de raporên ku li gorî min pêbawerin, digihîjin min. Ez bawer dikim ku ev dê ji DYA’yê bertekeke bi hêz bigire.
Ez destek didim vê yekê ku şansek ji bo hikûmeta nû ya Suriyeyê were dayîn. Lê ez ne êrişeke bêsînor a li ser hevalbendên me yên Kurd qebûl dikin û ne jî li hemberî vê êrişê tehemulê nîşan didim.
Ez bang li hikûmeta Suriye û Tirkiyeyê dikim: Bi awayekî aqilane hilbijartina xwe bikin.”
