Bûyerên piştî banga Aştî û Civaka Demokratîk a Rêber Apo wê bêne şopandin.
Ebrû Gunay a ji DEM Partiyê anî ziman ku piştî banga 27’ê Sibatê xaleke girîng hatiye derbaskirin, lê belê gavên hiqûqî û siyasî kêm mane û got, di sala duyemîn de ji bo aştiyê divê gavên hîn bi wêrekî û bi biryar bêne avêtin.
OHD bi daxwaza bicihanîna ‘mafê hêviyê’ wê di 27’ê Sibatê de li Amedê meşekê lidar bixe. Hevseroka OHD’ê Zeynep Karayilan got, “Mafê hêviyê mafekî mirovan ê gerdûnî ye, ne qencî ye” û ji bo tevlîbûna li meşê bang li hiqûqnasan kir.
Parêzera mafên mirovan a 94 salî Margaret Owen nerazîbûn nîşanî darizandina 6 kurdan a li Old Bailey a li Londonê da û got, “Ez nikarim bawer bikim ku li welatekî veguheriye dewleteke polîsan dijîm.”
Di ser erdheja 6’ê Sibatê re sê sal derbas bûn, bersûcên girtî têne berdan. Parêzer Naîm Emînoglû anî ziman ku dosya ji ‘kêmasiya bi zanebûn’ têne birêvebirin, lewma ev yek jî rê li ber girtîmayineke demkurt û cezayên kêm vedike.
