4’ê Nîsanê rojbûna Rêber Apo li gelek cihan bi taybetî li Kurdistanê, bi coşeke mezin tê pîrozkirin. Li Binarê Qendîlê jî welatiyan bi boneya rojbûna Rêber Apo şitil çandin.
Hecî Feqî Oso, roja rojbûna Rêber Apo pîroz kir û got ku ji bo ku ev roj watedar bibe, divê li her çar perçeyên Kurdistanê, bi taybetî li Başûrê Kurdistanê, şitilên daran werin çandin.
Yelda Feqî Oso, jî rojbûna Rêber Apo li tevahiya gelê Kurdistanê pîroz kir û got, “Em bi boneya rojbûna Rêber Apo şitilan diçînin. Em careke din rojbûna Rêber Apo pîroz dikin û tenduristî û temenekî dirêj jê re dixwazim.”
Adil Feqî Oso got, “Rojbûna Rêber Apo li hemû gelê Kurdistanê û gelên cîhanê pîroz be. Em bawer dikin ku em ê 4’ê Nîsana bê bi hev re bi Rêber Apo re pîroz bikin.”
