Karwana duyem a koçberên ji Efrînê ku îro sibê ji Qamişloyê bi rê ket, gihîşt navenda bajarê Efrînê.
Karwan ji aliyê xelkê Efrînî ve, ku piştî salan koçberî û êşê li benda vegera malbat û hezkiriyên xwe bûn, di nav çepik û stranên neteweyî de hate pêşwazîkirin.
Karwana duyem îro, roja Şemiyê, saet 6:00ê sibê, ji çerxerêya Yûsiv Gulo ya bajarê Qamişlo ber bi navenda bajarê Efrîn ve bi rê ket.
Koma duyem ji nêzîkî 200 malbatan pêk dihat, ku bi 80 wesayîtên taybet, 48 wesayîtên barkirî û 14 otobusan ketin rê.
Malbatên vegeriyayî ji navçeya Raco û navenda bajarê Efrînê ne.
Koma yekem ku ji nêzîkî 400 malbatan pêk dihat, di 9`ê Adarê de vegeriyan Efrînê.
