Meclîsa Sûriyeya Demokratîk (MSD) bi wesîelya ‘Cejna Vejînê’ (Paskalya) peyameke nivîskî weşand.
Di peyamê de wiha tê gotin: “Meclisa Sûriyeya Demokratîk bi boneya hatina Cejna Vejînê (Fisih) ya pîroz; cejna vejîn, ronahî û hêviya nûbûyî, pîrozbahiyên xwe yên herî germ û dilsoz pêşkêşî hemû civaka xiristiyan a li Sûriyeyê û li seranserî cîhanê dike. Meclisa me di heman demê de ku parvekirina şahiya vê boneya pîroz li gel gelê me yê xiristiyan dike, wan nirxên aştî, jiyan û lêborînê yên ku cejn hildigire bi bîr tîne, ew nirxên ku di cewherê xwe de digihêjin armanc û daxwazên gelê me yên ber bi paşerojeke ku hêjayî fedakarî û hêviyên wan be.
Sûriye bi cihêrengiya xwe ya olî û çandî ya kevnar, dewlemendiya xwe ya rastîn ji hevgirtin û piştevaniya pêkhateyên xwe di rûbirûbûna dijwariyan de digire. Meclisa Sûriya Demokratîk bawer dike ku ev cihêrengî ne tenê rastiyeke dîrokî ye, lê stûneke sereke ye ji bo avakirina welatekî ku li ser bingehê hemwelatîbûna wekhev û rêzgirtina hevbeş ava dibe. Meclis di vê boneya pîroz de hêviyên xwe yên herî germ tîne ziman ku aramî li seranserî axa Sûriyeyê belav bibe û her hemwelatiyek di bin sîbera dewleteke ku dadmendiyê biçespîne û rûmetê biparêze de, xwedî rûmet û cihê xwe yê guncan bibîne.”
