Li gorî medyaya xwecihî, girseyeke mezin di çalakiya salane ya li Keleha Laferrière ya li bajarokê Milot a li bakurê Haîtiyê de hatine cem hev.
Rayedaran ragihandin, ku di qerebalixiya li ber deriyê kelehê de herî kêm 30 kes mirine. Li gorî agahiyan, baranê panîk zêde kiriye û hat gotin ku di dema bûyerê de gelek xwendekar û mêvan li herêmê bûn.
Keleh ku di sedsala 19’an de ji hêla koleyên berê ve hatiye çêkirin û di Lîsteya Mîrata Cîhanî ya UNESCO’yê de cih digire, yek ji deverên girîng ên geştiyariyê û dîrokî yên welêt e.
Serokwezîr Alix Didier Fils-Aimé, ji bo bûyerê xemgîniya xwe ya kûr anî ziman. Hikûmetê ragihand ku hewldanên alîkariya ji bo birîndaran berdewam dikin.
Rayedar lêkolîna sedema bûyerê dikin û ji gel xwest ku bi rengekî aram tevbigerin.
