Sendîkaya Egîtîm Sen, piştî êrîşên li ser dibistanan a li Sêwereg û Mereşê, li ber Wezareta Perwerdehiyê “Nobeda Jiyanê” da destpêkirin. Partiyên siyasî piştgiriya xwe ji bo çalakiyê anîn ziman.
Endama Desteya Rêveber a Navendî ya Egîtîm Sen Evrîm Gulez diyar kir ku armanca çalakiya nobetê ew e ku balê bikişînin ser zêdebûna tundûtûjiya li dibistanan û ewlehiya mamoste û xwendekaran biparêzin. Evrîm Gulez, bang li Wezaretê kir ku berpirsiyariyê bigire û çareseriyan bibîne.
Sekreterê Giştî yê Sendîkayan Zûlkûf Guneş, diyar kirin ku êrîş ne bûyerên cihê ne, berfirehbûna dijberiya di nava civakê de û zêdebûna zimanê tundiyê van bûyeran zêde dikin.
Sekretera Navendî ya Jinan a Egîtîm Sen Sîmge Yardim, jî anî ziman ku pergala perwerdehiyê ji hêla polîtîkayên cudakar û dijber ve tê teşekirin û got ku înkarkirina mafê perwerdehiyê bi zimanê dayikê jî, tundiyê zêde dike.
Sendîkayê ragihand ku “Nobeta Jiyanê” dê heya ku daxwazên wan bên bicih anîn dewam bike.
